Focus T25 ,,

مرحبا ,

تدوينة رياضية جميلة ,

مدري أحس مبسوطة وأنا أكتبها ,

لأنو شي جميل وح يعجبكم بإذن الله ,

عبارة عن برنامج للمدرب المفضل عندي SHUN T

هو آخر شي نزل ,

والحلو فيه أنو ماياخد منكم غير 25 دقيقة فاليوم ,

يعني الناس الكسولة , المشغولة و الملولة ,

أشوف أنو ح يناسبهم كتير ,

هو من زمان نزل بس قلت أجرب وكدا ,

عشان أقدر أكتب عنو لو أنصحكم فيه أو لا ,

فالبداية عارفين شون كيف مايمزح فالتمارين ,

يعني قلك تمرين فعلاً تمرين يخلي كل خلية فجسمك تعرق ,

وكل عضلة فجسمك تنبض وتنشد ,

إلي جربت الإنسانتي أو شافتها ,
دي تقريباً مشابهة لها بس بوقت أقصر ,

بس تخلصي من الجدول كامل وح تحصلي ع النتائج إلي وعدك فيها ,

إي نعم ح تتعبي وكدا بس فالآخر تنبسطي بالتغيير وتنسي التعب ,

Focus T25

نبدأ بسم الله ,

زي ماقلت قبل هو مدتو 25 دقيقة فقط ,

طبعاً بما أنو مدة قصير فالمفروض أنو قد ماتقدري تعمليها متواصلة وبدون إستراحة وتوقف ,

طبعاً المفروض ماتاخدوا إستراحة ,

ولو حسيتوا بتعب وإجهاد خففوا حدة التمرين وأتبعو تانيا ,

يعني المبتدئين أو إلي مايقدروا يعملوا التمارين بالمستوى العالي يتبعوها هيا ,

شوفها دي , ودايماً تكون قدام ع اليمين ,

طبعاً ماتستهينوا بالدقايق القليلة دي ,

لأنو التمارين إلي تُمارس فيها يوصل حرق السعرات الحرارية فيها لـ600 سعرة خلال الـ25 دقيقة ,

التمارين ح تكون لمدة 5 أيام فالأسبوع ,

ويوم ح يكون للتمدد فقط ويوم إستراحة محارب , =P

ولمدة 14 أسبوع ,

ما ح نحتاج أدوات صعبة وغير متوفرة ,

كل إلي نحتاجو حبال مقاومة وأثقال بوزن يناسبك وفرشة عشان التمارين ع الأرض ,

طبعاً حبل المقاومة بديل للأثقال فعادي المتوفر عندك استخدميه ،

هو يحتوي على أربع مستويات :

Alpha 

Beta

Gamma

Resistance band

 فيه كم مستوى يحتوي ع الأثقال ,

لكن عادي مو صعبة و تكون الأثقال خفيفة قد ماتتحملي يعني ,

كل يوم ح يعمل التمارين بالضبط لمدة 25 دقيقة ,
فاليوم الخامس ح نعمل تمرينين يعني مدة 50 دقيقة ,

و بعد كل تمرين تلات دقايق كدا ستريتشنق ,

و التمارين كلها تحتاج للتركيز عشان تعملوها بالشكل الصحيح وتستفيدوا 100% ,

وأنتو ح تلاحظوا أنو هو دائماً وبشكل مستمر يكرر أنو ركزوأ وركزوا ,

حتى فيه تمارين أنتوا ممكن تستسهلوها كدا بس هي تعتمد ع التركيز وهو إلي ح يخليها تكون أشد ,

نتائج البرنامج :

ح يساعد كتير على إنزال الوزن ,

وأيضاً شد الجسم ,

وبروز العضلات ح يكون حسب الجسم وكمان حسب الأكل والبروتينات وكدا ,

فلا تخافوا ولا احد يقلي يبرز عضلات ،
حتى شون بنفسو وقت التمرين بالأثقال يقول أنو النساء إلي يخافوا من بروز العضلات ما ح تبرز لهم ،

فيديو يوضح البرنامج أكتر ,

وكمان يعرض صور قبل وبعد للناس إلي عملوه ,

هنا التحميل على تورنت ,

http://thepiratebay.sx/torrent/8755422/Focus_T25_Alpha__Beta__Gamma_-_x256_-_MP4_-_DVDrip

وهنا تلاقوا الجدول ,

http://www.mediafire.com/download/mfw341lms4wv80s/Workout+Calendars.pdf

هنا تلاقوا البرنامج على موقع BechBody ,

http://www.beachbody.com/product/fitness_programs/focus-t25-workout.do

فالنهاية أكيد ح أذكركم أنو المحافظة ع الأكل كمان تساعدكم ,
وهو الأساس للتغيير ،

يعني ضروري أنو تعدلو نظام أكلكم وقت عمل البرنامج ,

عشان تلاقوا النتائج الفعلية والمرضية ,

لا تنسوا تعملوها فمكان مناسب وبتهوية ممتازة ,

وتلبسوا اللبس الرياضي المريح والمناسب ,

وأكيد مع البرا والجزمة بالمقاسات المناسبة ,

وكمان حلو أنو تاخدوا صورة قبل تبدأ وبعد ماتنتهوا ,

عشان تشوفوا الفرق كيف وتنبسطوا , =D

أتمنى تكون التدوينة مفيدة ,

وأي سؤال أنا حاضرة ,

’

|

للتواصل إيميل :

samanoos67@gmail.com

POP Pilates for Beginners ,,

مرحبا ,

أعتذر عن غيابي وتأخري لفترة طويلة ,

بس عن جد مشغولة وكدا فمعليش أعذروني ,

بما أنو كتير ماشاء الله حبوا برنامج جيليان شريد 30 يوم ,

وعملوه وكمان عادوه أكتر من مرا ,

وطلبوا برنامج زيوا بنفس المدة ونفس المستوى ,

فاليوم ح أديكم واحد زيوا و ح يعجبكم بسيط ,

ودا أحسوا ح يكون ممتع ليكم أكتر لأن كل يوم تمرين غير ,

يعني ما ح تملوا من التكرار ,

وكمان فيلو يوم إستراحة  يالله أنبسطوا , =P

أولاً هو دا الجدول ,

ح أحط رابط المقاطع عشان يفتح للكل وخصوصاً للي ما يفتح معاها ع الجوال ,

Week 1

Day 1

http://www.youtube.com/watch?feature=player_embedded&v=lCg_gh_fppI

Day 2

http://www.youtube.com/watch?feature=player_embedded&v=tUVvec3z-mo

& 

http://www.youtube.com/watch?v=bOOITqP8MZU&feature=player_embedded

Day 3

http://www.youtube.com/watch?v=7BkjRlYq_UE&feature=player_embedded

&

http://www.youtube.com/watch?v=_lyRO7dyHAg&feature=player_embedded

Day 4

http://www.youtube.com/watch?v=Ia5ZTVQnsBw&feature=player_embedded

&

http://www.youtube.com/watch?v=faQ9lkjiRaM&feature=player_embedded

Day 5

http://www.youtube.com/watch?v=PySN5tabiLQ&feature=player_embedded

&

http://www.youtube.com/watch?v=aRCIX3cdW34&feature=player_embedded

&

http://www.youtube.com/watch?v=WZNbJw8t0gQ&feature=player_embedded

Day 6 

http://www.youtube.com/watch?feature=player_embedded&v=mEdygnWTb2U

&

http://www.youtube.com/watch?v=R7H4A2-UTZM&feature=player_embedded

&

http://www.youtube.com/watch?v=rwVzamFR-tg&feature=player_embedded

Day 7

يوم إستراحة , D=

Week 2

Day 8

http://www.youtube.com/watch?feature=player_embedded&v=lCg_gh_fppI

Day 9

http://www.youtube.com/watch?v=tUVvec3z-mo&feature=player_embedded

&

http://www.youtube.com/watch?feature=player_embedded&v=yEJmWBpTe8s

Day 10

http://www.youtube.com/watch?v=7BkjRlYq_UE&feature=player_embedded

&

http://www.youtube.com/watch?feature=player_embedded&v=xpLUaGa8Wew

&

http://www.youtube.com/watch?v=bF95YG0ffuY&feature=player_embedded

Day 11

http://www.youtube.com/watch?feature=player_embedded&v=Q8CRUrRekOQ

&

http://www.youtube.com/watch?v=IK-V7s0_-jc&feature=player_embedded

&

http://www.youtube.com/watch?v=-XfFycMQWr4&feature=player_embedded

Day 12

http://www.youtube.com/watch?v=PySN5tabiLQ&feature=player_embedded

&

http://www.youtube.com/watch?feature=player_embedded&v=yEJmWBpTe8s

&

http://www.youtube.com/watch?v=bOOITqP8MZU&feature=player_embedded

Day 13

http://www.youtube.com/watch?v=mEdygnWTb2U&feature=player_embedded

&

http://www.youtube.com/watch?v=4bBk2oidYvE&feature=player_embedded

&

http://www.youtube.com/watch?v=xDpB8pWEjhk&feature=player_embedded

Day 14

يوم إستراحة ,

Week 3

Day 15

http://www.youtube.com/watch?feature=player_embedded&v=lCg_gh_fppI

&

http://www.youtube.com/watch?v=n5mYC9xUtDA&feature=player_embedded

Day 16

http://www.youtube.com/watch?v=tUVvec3z-mo&feature=player_embedded

&

http://www.youtube.com/watch?feature=player_embedded&v=WZNbJw8t0gQ

Day 17

http://www.youtube.com/watch?v=7BkjRlYq_UE&feature=player_embedded

&

http://www.youtube.com/watch?feature=player_embedded&v=veAmTwJsaV0

&

http://www.youtube.com/watch?v=R7H4A2-UTZM&feature=player_embedded

Day 18

http://www.youtube.com/watch?v=Q8CRUrRekOQ&feature=player_embedded

&

http://www.youtube.com/watch?v=Ia5ZTVQnsBw&feature=player_embedded

&

http://www.youtube.com/watch?v=5LLFHwI3SJM&feature=player_embedded

Day 19

http://www.youtube.com/watch?v=PySN5tabiLQ&feature=player_embedded

&

http://www.youtube.com/watch?v=bOOITqP8MZU&feature=player_embedded

&

http://www.youtube.com/watch?feature=player_embedded&v=aRCIX3cdW34

Day 20

http://www.youtube.com/watch?v=mEdygnWTb2U&feature=player_embedded

&

http://www.youtube.com/watch?v=LHfe0rG_THk&feature=player_embedded

&

http://www.youtube.com/watch?v=8z5ZhKLNaHo

Day 21

يوم إستراحة , D=

Week 4

Day 22

http://www.youtube.com/watch?feature=player_embedded&v=lCg_gh_fppI

&

http://www.youtube.com/watch?feature=player_embedded&v=Rh-lWWUAePU

Day 23

http://www.youtube.com/watch?v=tUVvec3z-mo&feature=player_embedded

&

http://www.youtube.com/watch?feature=player_embedded&v=lMnY5jAlp6Y

&

http://www.youtube.com/watch?v=bOOITqP8MZU&feature=player_embedded

Day 24

http://www.youtube.com/watch?v=7BkjRlYq_UE&feature=player_embedded

&

http://www.youtube.com/watch?v=LHfe0rG_THk&feature=player_embedded

&

http://www.youtube.com/watch?v=-XfFycMQWr4&feature=player_embedded

Day 25

http://www.youtube.com/watch?v=Q8CRUrRekOQ&feature=player_embedded

&

http://www.youtube.com/watch?v=5LLFHwI3SJM&feature=player_embedded

&

http://www.youtube.com/watch?v=rwVzamFR-tg&feature=player_embedded

&

http://www.youtube.com/watch?v=rwVzamFR-tg&feature=player_embedded

Day 26

http://www.youtube.com/watch?v=PySN5tabiLQ&feature=player_embedded

&

http://www.youtube.com/watch?v=yEJmWBpTe8s&feature=player_embedded

&

http://www.youtube.com/watch?v=WZNbJw8t0gQ&feature=player_embedded

Day 27

http://www.youtube.com/watch?feature=player_embedded&v=mEdygnWTb2U

&

http://www.youtube.com/watch?feature=player_embedded&v=4bBk2oidYvE

&

http://www.youtube.com/watch?v=kJyZhOJ2Tag&feature=player_embedded

Day 28 

آخر يوم و إستراحة , D=

بس كدا خلص الشهر كامل ,

أتمنى أنو تعملوه وتنبسطوا فيه وتلاقوا نتايج تسركم ,

بس كونوا منتظمين فعلاً فالتمارين والأكل عشان تلاقوا التغيير المطلوب ,

تبدأ بالرياضة ومو عارفة جداً أنصحها بدا البرنامج ,
لأنو للمبتدئين ,

أتمنى تكون التدوينة مفيدة ,

وأي سؤال أنا حاضرة ,

’

|

للتواصل إيميل :

samanoos67@gmail.com

Beauty Blogger Tag ,,

مرحبا ,

يوم التدوينة عن تاق جميل ولطيف ,

أختاروني اعملوا الجميلتين ,

شوفوا مدوناتهم ح تحبوها ,

كريزما

&

غيمة تسعة

ف مرا شكراً لكم حبيباتي , :*

القوانين :

- التصريح بان التاق من ابتكار the beau bow
- أختار 5 بيوتي بلوقرز للمشاركة في التاق
- أعنون الموضوع باسم التاق

نبدا ,

1) سمِ روتين جمالي نادراً تسويه؟
الباديكير والمناكير ,

2) هل غسل فرش المكياج حاجة دورية بالنسبة لكِ ؟
إيوا ,

3) قد ايش تقعدي بطلاء أظافر مشوه؟
أبداً ماتجلس أظافري كدا ,

تقريباً كل يوم أمسح وأحط لون فما يمديه يتقشر ويطول ,

4) قد ايش تؤجلي شراء أو استبدال مستحضر بالرغم من مدى حاجتك إليه ؟

لو مرا محتاجته على طول أجيب ما أأجل ,

5) ايش هي أسوأ عادة جمالية لكِ؟
لما أتوتر أو أفكر وكدا أقطع شفايفي :`)

6) سمي حاجة غير متعلقة بالجمال دايماً تؤجليها؟
الزيارات ,

7) لمن مخططة تخرجي ، هل تستعدي من بدري ولا في آخر لحظة؟
مو آخر لحظة ولا بدري مرا يعني هو حسب المناسبة ,

8) تقدري تلتزمي بفكرة انك تمنعي نفسك من النزول للسوق و الشراء؟
إيوا عادي ,

9) قد ايش مجموعة مكياجك و مناكيراتك مرتبة؟
مرتبة جداً ,

10) أطول فترة قعدتِ فيها بدون ماتكتبي بوست عالبلوق تبعك؟
شهر تقريباً ,

شكراً لصاحبة التاق ولجميلاتي كريزما وغيمة :*

@charismagirl0

@cloud9_s

و ح اختار الحلوات ,

 @simplebeautyG

 http://www.simplebeautyg.blogspot.com/

@JanoonNAQA

http://janooona.blogspot.com/

@TFW_15

http://blges.blogspot.com/

@AnaaChicc

http://anaachicc.blogspot.com/

@Loveyourlife200
http://loveyourlife200.blogspot.com/

’

|

للتواصل إيميل :

samanoos67@gmail.com

الرُمان ,

مرحبا ,,,

تدوينة صحية خفيفة ,

ذحين هو موسم فاكهة الرُمان ,

فاكهة جميلة جداً جداً من جد أنبسط لما يجي موسمها ,

تقدري تاكليها بأي طريقة تحبي سواء لوحدها أو تخلطي معاها شي ,

وممكن تعمليها عصير ,

* إلي يتابعوني ع الإنستقرام أكيد شافوا الفيديو إلي نزلتو وكتبت كم فايدة للرُمان ,

اليوم ح أقلكم على كم طريقة كمان لأكل الرُمان ,

وكلها صحية وطعمها لزيز ,

سلطة الجرجير بالرُمان ,

مكوناتها :

جرجير ,

رُمان ,

الصوص :

ملعقة صغيرة دبس الرُمان ,

ملعقة صغيرة خل أبيض ,

ملعقة كبيرة عصير الليمون ,

ملعقة كبيرة زيت زيتون ,

وتخلطيها مع بعض وتاكليها ع طول وصحتين على قلبك ,

فوائدها :

الزبادي بالرُمان ,

مكوناتها :

زبادي ,

رُمان ,

ملعقة صغيرة عصير الليمون ,

*إختياري الليمون ,

وبس خلاص عليك بألف عافية ولا أسهل ,

سموثي الرُمان والفواكة ,

مكوناته :

نص كوب عنب أسود مجمد ,

نص كوب حبيبات رُمان ,

حبة موز مجمدة ,

علبة زبادي ,

تخلطيها كلها مع بعض فالخلاط ,

ولو كان تقيل تقدري تزيدي شويا لبن ,

وما يحتاج سُكر لأنو كلي الفواكة إلي فيه حالية ,

وعليكم بالعافية ,

* ممكن نعملو كمان عصير , << بعد ماشرب وخلصت تذكرت أنو ماصورت =P

سواء فقط رُمان أو نضيف معاه زبادي  مع باشن فروت ,

* كمان مرا طعم مع الحمص البيروتي ,
ومع الفتوش برضو جميل ,

نجي نتكلم شويا عن فوائد ومكونات الرُمان ,

يحتوي ثمر الرُمان الحلو على 10.1% مواد سكرية، 1% حامض الليمون، 84.20% ماء، 2.91% رماد، 3% بروتين، 2.91% ألياف ومواد عفصية وعناصر مرة وفيتامينات (A, B, C) ومقادير قليلة من الحديد والفوسفور والكبريت والكلس والبوتاس والمنغنيز وفي بذوره ترتفع نسبة المواد الدهنية 7-9%.

مسكن للآلام ومخفض للحرارة ,

يروي العطش فالجو الحار ,

يعالج حالات اللإسهال ,

ويمنع النزيف الناتجمن البواسير ,

وعصير الرُمان جداً مفيد في تخفيف الصداع ,

وآلام البطن ,

ويشفي من أمراض العيون وضعف النظر ,

 كمان يفتح الشرايين ويحمي من السكتة والخرف ,

والسبب :

لأن عصير الرُمان غني بمجموعة كبيرة من المواد القوية المضادة للأكسدة كالمركبات الفينولية والتانين وآنثوسيانينن التي تعيق عمليات تأكسد البروتينات الشحمية قليلة الكثافة الحاملة للكوليسترول السيىء والمسببة لتصلب الشرايين.

حتى قشار الرُمان نقدر نستفيد منو , <3

فوائد قشر الرُمان :

 - مغلي قشر الرُمان يقوي اللثة ,

- مغلي قشر الرُمان فعال لحلات الإسهال ,

- مغلي قشر الرُمان يساعد في إبعاد بلغم المعدة ,

- القشر المحروق يخلط  مع عسل يمحي أثر الجدري مع الإستعمال المستمر ,

وكمان للجروح والقروح ,

  كانوا الفراعنة يستخدمونه لقتل ديدان البطن بواسطة حرق قشور الرمان وخلطها بالعسل , 

القيمة الغذائية للرُمان :

يحتوي على ,

سكر , بروتين , دهون , أملاح , فيتامينات , أحماض عضوية ,

صحتين على قلبكم ,

’

|

للتواصل إيميل :

samanoos67@gmail.com

منتجات أنهيتها وهل سأعيد شرائها أم لا ؟

مرحبا ,,

فالتدوينة دي ح أتكلم عن منتجات جربتها وخلصتها ع الآخر =P

و ح أحكيلكم تجربتي معاها وهل أرجع أشتريها أو لا ,

كريم الليل من لوريال ,

ماحبيتو الترطيب فيه عادي ,

و مرا ريحتو عطرية ولما أحطو واصحى الصبح اغسل وجهي يكون لزج ,

معناه ما امتصتو بشرتي وجلس بس طبقة عليها طول الليل ,

السعر بحدود 40 ريال ,

ما ح أرجع أشتريه ,

كريم النهار من لوريال ,

برضو عادي مايرطب ولا حاجة ,

ويكون زي الطبقة البيضاء ع البشرة لفترة بسيطة ,

السعر بحدود 40 ريال ,

ما ح أرجع أشتريه ,

غسول نيتروجينا ,

هو لحب الشباب ,

الحمد لله ما أعاني من الحبوب بس احب استخدمو لمنطقة الأنف لأنو دهنية عندي ,

مرا حلو ومن قلب ينظفها ,

هو ينفع كتير للبشرة الدهنية بس الجافة لا لأنو مرا ينشف البشرة ,

السعر مرا مو فاكرة بس أتوقع بحدود 20 ريال ,

ح أرجع أشتريه دائماً ,

حبوب هير دال ,

هيا فيها فيتامينات ومعادن ,

يعني كويسة للشعر والبشرة ,

بس أنا جربتها 4 شهور بس ما لقيت أي نتيجة ملحوظة ,

غير حاجة وحدة أنو فتحت شهيتي ,

السعر مرا مو فاكرة ,

ما ح أرجع أشتريها ,

بلسم الشعر بالموز من بودي شوب ,

مرا جميل و أحب شعري بعد ما استخدمو ,

يطري الشعر وينعمو ,

استخدمو بعد المسبح أو بعد التمرين لما ما ح أغسل شعري بشامبو ,

ريحتو لطيفة ,

السعر 29 ريال ,

ح أرجع أشتريه دائماً ,

وبس خلصنا ,

أتمنى تكونوا أستفدتوا ,

’

|

للتواصل إيميل :

samanoos67@gmail.com

صباحاتكم رياضية وسعيدة ,,

مرحبا ,,

تدوينة صباحية كدا رايقة ,

بما انو ليا فترة ما دونت وخصوصاً عن الرياضة ,

فاليوم إن شاء الله ح تكون دردشة خفيفة ,

* أول شغلة حابة أقولها مافي شي صعب فالحياة ,

ودام غيرك قدرت تعملو أكيد أنتي كمان ح تقدري ,

أنا ما أعرف ليش الناس مستصعبة الرياضة وأنو تكون روتين يومي فحياة الشخص ,

والبعض مثلاً يشكك أنو ممكن فيه بني آدمين يهتموا بالرياضة وحركين ,

ترا مرا شي عادي ومو إختراع ولا واااو ,

كل إنسان فالحياة دي يقدر يعملها ,

دام أنو بصحة جيدة والأهم تساعدو عليها ,

* تاني شغلة مو شرط الواحد يتقن الشي أو يكون فاهم فيه لأنو تخصصو ودرسو فقط ,

لا دا شي مرا غلط ,

ممكن الواحد بالقراءة والإطلاع المستمر يتعرف على أي شي فالحياة ,

وأصلاً لما تدرسو تخصص معين إيش يعتمد عليه ؟؟

يعتمد على كتب وحاجات تقروئها فقط يعني ما أخترعتوا شي من عندكم ,

فشي طبيعي إنسان عادي مادخل مجال معين ومادرسو ,

بس أبدع فيه وصار ملم فيه لأنو قرأ وبحث وصار فاهم فيه ,

وأحياناً شخص درس تخصص معين أبداً ما أبدع فيه ومو فاهم فيه ,

وأكبر مثال أحكيه لكم أنا , XD

تخصصي إلي درستو فالجامعة وتخرجت منو ماطبقتو فحياتي نهائياً ,

ولا عندي الرغبة في ذلك ,

يعني بس اعتمدت ع إلي درستو ذاكرت حفظت وتخرجت وخلاص ,

أبداً مافكرت أتعمق فيه وأبحث وأقرأ بشكل أكبر ,

عكس الرياضة والصحة ,

جداً أهتم بأي مقالة أو حتى عبارة بسيطة تهتم بدا الشي ,

دائماً أدور على الحسابات المهتمة بكدا ,

ما أقول أنو أنا مرا ملمة ومرا فاهمة فدا الشي بس عندي معلومات لابأس بها ,

زبدة الكلام مو دايماً شهاداتنا وتخصصاتنا تكون فالشي إلي نحب ,

ولا ح نبدع فإلي درسناه فقط ,

واهتموا بالقراءة والإطلاع دائماً ,

جددوا معلوماتكم وأفكاركم شوفوا واكتشفوا ولا تعتمدوا ع السؤال فقط ,

كونوا أنتوا مرجع لغيركم ولا تخلو أحد مرجع لكم ,

* نجي لتالت شغلة بخصوص التمارين والرياضة عموماً ,

أجسامنا مختلفة عن بعضها تماماً ,

حتى الأخوات التوأم مختلفين على فكرة ,

فشي ناسبني وجسمي تقبلو وما تضرر منو مو شرط يصير معاك نفس الشي ,

بتقولي طيب كيف أعرف إيش يناسبني ؟

بأقلك أول شي أفهمي جسمك وتاني شي بالتجربة الله يعينك تتعلمي ,

لا تقارني نفسك وجسمك بوحدة تانية نهائياً ,

انسي كل إلي حواليك وركزي فنفسك بس << طبعاً الشي دا ينطبق على كل شي فالحياة ,

لا تقولي فلانة نحفت من الرياضة الفلانية والدايت الفلاني ,

لا تقولي فلانة مانفعت معاها التمارين دي ومرضت من الدايت دا ,

أنتي لو تحبي نفسك وترضي عن ذاتك ,

صدقيني كل شي ح يسهل عليك ,

حبي جسمك وشكلك كيف ماكان ولا تعقدي نفسك وتحبطيها ,

فيك عيوب صلحيها شي مو عاجبك عدليه وبكل حب وهدوء ,

والله يسعدكم ويخليكم لأهاليكم كلكم ,

لا عاد تقارنوا بين العرب والأجانب ,

هما ماهم أحسن مننا أبداً ولا هما أجمل مننا ولا أفهم مننا ,

أنتوا حطوا فبالكم أنو حياتنا وعاداتنا وطبيعة منطقتنا غير عنهم كلياً بس ,

وبطلوا  إنتقاص أنفسكم وبلدكم ,

* رابع شغلة مهمة كمان ,

ح اسألكم وجابوا بعدين اقرأوا كلامي ,

* لك 10 سنوات تخبصي فالأكل ولياقتك 0 هل بسهولة ح توصلي لتغيير ؟

- طبعاً فيه ناس أكتر من كدا وفيه ناس من أول ما أنخلقت مخبصة ,

ترا عادي كلنا كنا كدا لكن الشاطر إلي غير أو بدأ يغير ,

طيب أجي أجاوب ع السؤال ,

التغيير مو سسهل بس كمان مو صعب ,

هو سهل لما يكون عندك عزيمة وإرادة قوية جداً ,

وماتكون بس للتغيير فقط تكون للتغيير وللمحافظة عليه مدى الحياة ,

ويكون عندك صبر وتحمل وطولة بال ,

ومافي شي يجي بسرعة ,

يعني سنين وسنين وانتي تخبصي وتخزني دهون ,

مو معقولة فشهر تتخلصي منها ,

إلا في حالة وحدة عمليات شفط الدهون بس ,

* خامس شغلة مالها علاقة بالرياضة بس كدا فخاطري ,

اتركوا الناس تعيش براحتها ,

بطلوا وصاية على الناس ,

أنتي مقتنعة بشي لا تفرضيه على غيرك ,

إذا محد طلب رأيك ومشورتك فاحتفظي فيها لنفسك ,

ولو اصريتي وأبديتيها وقتها تحملي أي رد أو تصرف يجيك ,

لا تتدخلوا فحياة أو رأي أو معتقدات أي إنسان كان ,

عاملوا الناس بناءاً على إنسانيتهم ,

بغض النظر عن دينهم , مذهبهم , لونهم أو جنسيتهم ,

دعوا الخلق للخالق وعيشوا حياتكم أنتوا عشان تنبسطوا فيها وماتضيعوا أحلى الأوقات ,

* آخر شي لازم أفيدكم بشي تمرين تعملوه ع الصبح وتستفيدوا ,

أفضل 10 تمارين قلبية "كارديو" لحرق السعرات الحرارية ,

كل تمرين موضح السعرات إلي تنحرق أثناء ممارسته ,

ممكن تختاري واحد منها وتعمليه لمدة 60 دقيقة ,

أتمنى تكون التدوينة مفيدة وخفيفة ,

’

|

للتواصل إيميل :

samanoos67@gmail.com

Basbousa ,,

مرحبا ,

اليوم كمان تدوينة من المطبخ ,

شي سريع وخفيف ماحبيت اطول بدون ما اكتب شي , :$

بسبوسة ,

نحتاج :

علبة زبادي ,

سميد ,

جوز الهند ,

زيت ,

سكر ,

3 بيضات ,

2 ملعقة كبيرة بيكنج باودر ,

ملعقة صغيرة فانيلا ,

الشغل :

فالخلاط نحط علبة الزبادي وبنفس العلبة نحط مقدار والسكر وجوز الهند والزيت ,

وكمان نضيف البيض والبيكنج باودر والفانيلا ,

ونخلطهم لمدة 3 دقايق ,

في زبدية نحط السميد مقدارو بنفس علبة الزيادي  , علبة ونص , 

ونصب عليها الخليط إلي قل ونقلبها بالمضرب الشبط ,

إلين تتلخط كويس مع بعض ,

بعدين نجيب الصينية إلي ح نحطها فيها وندهنها بقليل طحينة ,

ونسكب الخليط فيها وندخلها الفرن ,

تقريباً تاخد نص ساعة على نار هادية عشان تستوي وتتحمر من فوق وتحت ,

بعدها تطلعيها وتصبي عليها القطر وتتركيها تبرد ,

بعدين قطعيها زي ماتحبي ,

* تقدرو تزينوها باللوز لو تحبو قبل تدخلوها الفرن ,

* للجميلات إلي يعملو دايت :

ممكن تقللو كمية السكر والزيت لنص ,

وماتحطو عليها قطر بكمية كبيرة , << وتقدرو تستغنو عنو لو تحبو ,

والزبادي يكون قليل الدسم ,

صحتين على قلبكم ,

’

|

للتواصل إيميل :

samanoos67@gmail.com