مرحبا ,,
التدوينة الرياضية إلي فاتت كانت للجزء العلوي من الجسم "الذراعين والكتوف والصدر"
اليوم ح تكون للجزء إلي بعدو , "البطن والخصر والظهر"
كتير يعانو من مشكلة بروز البطن , ومنهم ناس مع أنهم نحاف بس يكون فيه بطن ,
أول شي لازم تنتبهي لنظام أكلك وتشوفي إيش فيه حاجة غلط وتعدليها ,
تاني شي التمارين الرياضية ضروري تعمليها وهي بإذن الله ح تساعدك فإزالة البطن البارزة ,
وكمان بعض التمارين تساعدك كثير فتصغير المعدة ,
التدوينة ح تحتوي تمارين بصور ثابتة ومتحركة وفيديو كمان ,
لك الحرية في الإختيار باللي يناسبك ,
* حاولت قد ماأقدر أحط تمارين أكتر عشان يصيرعندكم خياراتك أكتر ,
وتكون التدوينة شاملة ومفيدة ,
التمرين زي مو شايفين متحرك وواضحة الطريقة ,
لازم تنتبهي فالتمرين أنو تكون رقبتك مستقيمة وتطالعي للسماء , ولما تطلعي على فوق أطلعي بجسمك كامل بالكتوف ,
لا تطلعي برقبتك بس , لأنك كدا ح تأذي رقبتك وما تكوني عملتي التمرين صح ,
ولما ترتفعي على فوق تثبتي وتعدي للعشرة وبعدين تنزلي وهكذا تستمري ,
دا التمرين لو عملتيه بشكل منتظم ويومي مع الوقت معدتك ح تصغير كمان مو بس بطنك ح تختفي ,
وفيه حركة أنا أعملها فالتمرين ,
أجيب الدمبلز أو الأثقال وأحطها على أسفل بطني بشكل "X"
ح يساعدك كتير ف شد بطنك لجوا ,
*بس وقت البيرويد لاتحطي شي على بطنك أبداً ,
نفس التمرين إلي قبلو ,
بس هنا تطلعي وتزلي على طول بدون ماتثبتي زي الأول ,
هنا كمان نفس الإثنين إلي فوق , بس رجلك مرفوعة على شكل زاوية 90
وتطلعي بجسمك كامل مع الرقبة ,
برضو نفس التمرين إلي فوق , بس الرجول تكون مفتوحة ,
هنا كمان ورجلك مرفوعة تحطي رجلك اليمين على ركبتك اليسار , وتطلعي بيدك اليسار وتوصلي بالكوع للركبة ,
وبعدين تعكسي الرجل واليد ونفس الحركة ,
هنا تكوني متسطحة ع الأرض ورجولك ممدودة , وتقومي بجسمك كامل إلين تصيري فوضعية الجلوس ,
طبعاً لما تقومي لا تثني رجلك خليها ممدودة ,
* ممكن تعملي التمرين والأثقال فيدك تطلع وتنزلي فيها , عشان تشتغل اليد ,
هنا تمدي جسمك ع الأرض وتقومي وأنتي رافعة رجولك ويدينك سوا على فوق ,
ويكون شكل جسمي زي حرف "V"
حركة المقص , تمدي جسمك ع الأرض وترفع رجلك اليمين وتنزليها وترفعي اليسار ,
ورا بعض تعمليها ماتوقفي , زي المقص يعني ,
هنا ترفعي رجولك على فوق وترفعي نفسك كأنك تدفي حاجة على فوق ,
جدا ممتاز للبطن خصوصاً أسفل البطن ,
بسيط التمرين بس أرفعي جسمك على فوق وشديه, وتكوني على طرف أصابع رجلك ,
وحلو التمرين كمان للساق ,
وإنتي منسدحة ع الأرض تلفي رجولك الثنتين مع بعض يمين ويسار ,
ولما تلفيها ع الجهتين وصلي ركبتك للأرض ,
حلو للبطن والخصر وأسفل الظهر الزوائد إلي فيه ,
هنا تكوني ع الأرض ورجولك مرفوعة , وتفتحيهم على برا وتحاولي توصليها للأرض قد ماتقدري ,
واضح التمرين , تنامي ع الأرض ورجلك مرفوعة وتبدأي تطلعي بجسمك بس بالكامل لا نص طلعة كدا ,
طبعاً تعملي التمرين ولما تقومي تقومي بدون ماتتسندي على شي أعتمدي ع الشد من بطنك ,
عشان يكون التمرين صح ,
هنا تكوني نايمة على بطنك , جسمك مستقيم ويدينك ورا ظهرك ,
وتبدأي ترفعي جسمك على ورا ,
نفس التمرين إلي فوق بس هنا نرفع الرجول كمان مع اليدين ,
التمرين يكون على الكرسي , نجلسي وترفعي رجل وحدة بشكل مستقيم وتنزليها ,
وظهرك يكون بشكل مستقيم وثابت ,
دا التمرين مرا حلو للخصر , توقفي بشكل مستقيم وتميلي مرا يمين ومرا يسار وقدام وورا ,
كمان التمرين مرا حلو للخصر والظهر إلي يعانو مو زوائد ,
واضح توقفي مستقيم , وتبدئي تلفي بجسمك كامل يمين ويسار ,
حركة الدراجة , ترفعي سمك وتحركي رجولك وتمديها كأنك ع الدراجة تمشي ,
وصلي ركبتك إلين بطنك قد ماتقدري ,
التمرين دا ممكن تعمليه ع الأرض أو وأنتي واقفة ومتسندة فعمود أو جدار , إلي يريحك يعني ,
وترفعي رجول وتمديها على ورا بالتبادل ,
* حلو كمان لشد المؤخرة ,
الفيديو :
- لا تنسي طبعاً الإحماء والإطالة قبل التمرين ,
- أشفطي بطنك دائما وقت التمرين , وبعد التمرين وكل وقت , XD
- اعملي التمارين مو أقل من 40 مرة ,
أي سؤال أنا حاضرة تفضلو , :*
’
| 
للتواصل إيميل :
samanoos67@gmail.com
