مرحبا ,,
التدوينتين إلي فاتت كانت للجزء العلوي , والجزء الأوسط من الجسم ,
واليوم ح يكون للجزء السفلي "الأفخاذ والمؤخرة"
كتير تشتكي من المنطقة دي , وأول مشكلة هي كبر الحجم ,
ودا الشي تقدري تحليه بالرياضة , وتنتبهي لأكلك ,
مو أقلك ح تصغر مرا لا بس ح تشد ويتقلص حجمها شويا , وح يكون شكلها أجمل وأرتب , ^_*
والمشكلة التانية السلوليت ,
وكمان هنا تنحل بالرياضة , والمساج للمنطقة إلي فيها السلوليت ,
وتبعدي قد ماتقدري عن الإستحمام أو السباحة لفترات طويلة بالمويا السُخنة أو الدافية ,
حاولي دايماً تكون أخر شطفة لجسمك بعد الإستحمام يكون بمويا بااااااردة ,
ترا مرا شي مفيد ويشد جسمك , <3
لازم تنتبهي لأكلك يعني تخففي من أكل النشويات والحلويات والمقليات والأكل المسبك وكدا ,
دايما تحركي ومارسي رياضة المشي جداً يفيد فشد المنطقة دي مع الوقت ,
طيب نجي ذحين للتمارين إلي ح تفيدك بإذن الله فشد المنطقة دي ,
كالعادة صور ثابتة ومتحركة وفيديو , ولك حرية الإختيار باللي يناسبك وترتاحي عليه ,
توقفي ع الجدار وظهرك مسنود عليه , ورجولك ممدوة على قدام ,
وتبدأي تنزلي كأنك ح تجلسي ع الكرسي ,
يعني يصير جسمك بزاوية 90 درجة , وترجعي تطلي وتنزلي بنفس الطريقة ,
وتكرريها عدة مرات ,
تمارين القفز , توقفي بعدين تنطي وتفتحي رجولك ويدينك مع بعض ,
ولما تنزلي ع الأرض تقفلية , وهكذا تجلسي تنطي وتفتحي يدينك ورجولك ولما ترجعي للأرض تقفليهم ,
هنا تحتاجي كورة , بس تكون خفيفة ومطاطية , عشان تقدري تضغطي عليها بسهولة ,
تحطيها بين رجولك وتضغطي عليها ,
زي ماتشوفو , تكوني متسطحة ع الأرض بشكل مستقيم ,
ويدينك ممدودة جمبك ,
وترفعي مؤخرتك على فوق وتشديها , وترجعي تنزلي وتطلعي بنفس الطريقة ,
التمرين دا حلو لشد الأفخاذ من جوا ومن الجوانب ,
تتسطحي ع الأرض وترفعي رجولك مستقيم , وتفتحيها على شكل حرف "V"
وتفتحي وتقفلي ,
هنا كمان مرا حلو للي الزوائد إلي ع الجنب يشدها ,
تكون على جمبك ورجلك إلي تحت مثنية , والرجل إلي فوق ممدودة ,
وتبدأي تطلعيه وتنزليها , بس لما تنزليها لا توصليها للأرض ,
نفس التمرين إلي قبلو ,
بس هنا الرجل تكون ممدودة على قدام وترفعيها وتنزليها وبدوون ماتوصليها للأرض ,
كمان نفس الإثنين إلي قبل ,
بس الرجلين ممدودة ونرفع الرجل إلي فوق قد مانقدر ,
لوما ننزلها مانوصلها للرجل إلي تحت ,
هنا كمان وأنتي على جمبك , ورجولك الثنتين مثنية بزاوية 90 ,
ترفعي رجلك إلي فوق زي الصورة ,
هنا تكوني جالسة ع الأرض بنفس الوضعية , وظهرك يكون مستقيم ,
وتبدأي ترفعي رجلك على ورا بشكل مستقيم ,
أعملي الجهة الأولى مثلا 10 مرات بعدين التانية 10 مرات ,
وبعدين أرجعي للأولى ونفس الشي ,
تكوني ع الأرض على بطنك , وترفعي رجولك الثنتين مع بعض وتنزليهم ,
هنا التمرين حلو ح يساعدك فنحت الزوائد إلي ع الجنب , وحلو لخصر كمان ,
تكوني واقفة مستقيم , ويدينك ممدودة جمبك ,
وتنزلي باليد المين للرجل اليسار بعدين باليد اليسار للرجل اليمين ,
أنتبهي أنو وأنتي تنزلي تكون ركبتك ممدودة ماتثنيها,
دا التمرين مرا حلو ويفيد بشكل كبير ,
كل إلي عليك توقفي بشكل مستقيم بعدين تنزلي ع الأرض كأنك ح تجلسي , زي الصورة ,
وبعدين ترجعي توقفي وكمان تكرري الحركة عدة مرات ,
نفس التمرين إلي قبل بس هنا ماتنزلي كتير , يعني كأنك ح تجلسي على كرسي ,
وأنتبهي أنو ظهر وأكتافك بشكل مستقيم ,
وركبتك تكون على مستوا مقدمة القدم يعني ماتكون متقدمة أكتر ,
وتطلعي وتنزلي بنفس الطريقة وتكرريها ,
وهنا تمارين حلوة للي يعانو من السلوليت ,
وهنا طريقة عمل المساج عشان تتخلصي من السلوليت ,
طبعاً تقدري تستخدمي أي زيت تحبي , الفايدة كلها فحركة المساج ,
- أكيد ماتنسي تمارين الإطالة قبل وبعد التمرين ,
تلاقوها هنا , تاني فيديو ,
- أنتبهي تعملي جهة بعدد مرات غير الجهة التانية ,
يعني لازم يكونو متساوين , عملتي لليمين 10 أعملي لليسار عشرة ,
عشان ماتعاني من إختلاف فالشكل بينهم ,
- اعملي التمارين دي أقل حاجة 40 مرة ,
- ممكن تعتمدي ع المشي أو الدراجة أو الأروتراك , كمان هما مرا حلوين فشد المنطقة ,
- دايماً أحرصي على عمل المساج أو حتى مجرد التدليك للمنطقة , ح يساعدك بإذن الله فإذابة الدهون ,
وكمان يترتب شكلهم , ويصيرو مصقولين ,
لأنو يساعد على تحركي الدورة الدموية بشكل أفضل ,
- إستخدمي الفرشة دي وقت التدليك حلوة للسلوليت ,
- كمان الصنفرة الجافة أو السويدية ح تساعد كتير فشد المنطقة وإزالة السلوليت ,
أي سؤال أنا حاضرة تفضلو , :*
’
|
للتواصل إيميل :
samanoos67@gmail.com
