DIY: Bracelet & Necklace Stand ,,

 

 

 

 

 

 

مرحبا ,,

 

 

 

 

اليوم التدوينة ح تكون فيديو DIY أو أعمليها بنفسك ,

والفكرة هيا إعادة تدوير الأشياء بدال مانرميها فالزبالة , ونحولها لشي نستفيد منو ,

ونصير أصدقاء للبيئة ونحافظ عليها ,

 

 

 

 

الأغراض إلي استخدمتها حاجات جداً بسيطة وأكيد موجودة فكل بيت ,

نشوف إيش هيا !!

 

 

رولة  مناديل أو قصدير ,

سيديات قديمة ,

قماش للبس قديم ,

غراء ,

مقص ,

 

 

 

نشوف الفيديو ,,

 

http://www.youtube.com/watch?v=qk6skAaihhk 

 

 

الخطوات :

أول شي جبت رولتين بحجمين مختلفة , وحدة عريضة ووحدة نحيفة ,

العريضة هيا إلي ح تكون بالعرض والنحيفة بالطول ,

 

 

أخدت الرولة العريضة ورسمت عليها دائرة بنفس حجم الرولة النحيفة ,

وقصيت الفتحة دي عشان بعدين أدخل الرولة النحيفة فيها ,

ننتبه أنو تكون فالوسط مزبوط عشان ماتميل وممكن تطيح لما تحطي الأشاء عليها ,

 

 

والرولة النحيفة قصيتها بالطول المناسب ليا ,

إذا حبيتي الستاند يكون للسلاسل خليها طويلة , وإذا للأساور أو الساعات قصريها شوي ,

وأنتبهي أنو الرولة العريضة ماتكون مرا عريضة وماتدخل فيها الأساور ,

 

 

بعد ماقصينا بالمقاسات إلي نحب وتناسبنا ,

نجيب القماش إلي اخترناه , ونقصو على الرولات بحيث يغطيها كاملة ,

وبعدها نبدأ نغري القماش ع الرولات بشكل حلو ,

وندخل الرولة النحيفة فالفتحة إلي عملناها فالرولة العريضة ونثبتها ,

 

 

السيديات جيبي سيديات البلاي ستيشن أو أي شي قديم ,

وخدي 4 حبات ولصقيها فبعض بالغراء ,

عشان ح نثبت الستاند عليها فأبغاها تكون ثقيلة شوي وثبت الرولات وماتطيح مع الأغراض ,

وبعدين نغطيه بالقماش كمان ونغري الستاند عليها وننتبه أنو يكون فالوسط ,

وح أقفل الرولة إلي بالعرض من الجنبين ,
بقطعة دائرية من الكرتون على نفس المقاس وأغطيها بالقماش ,
وأحطها للطرفين ,
 

 

وبعدين تقدري تزينيها بالشكل والطريقة إلي تحبي ,

وتتهني فيها , حصلتي على ستاند بلمستك وذوقك الخاص ,

ومافي أحد عندو نفسو , XD

وكمان قدمتي شي حلو للبيئة وحافظتي عليها بدال ماترمي الشي أعدتي تدويرو ,

 

 

 

 

 

’

|

 

للتواصل إيميل :

samanoos67@gmail.com